आमच्या कॅफेजवळचा भाजीवाला आला, मोठ्याने आरोळी मारत- मॅडम, आलो मी, नाश्त्याला गरम काय आहे? मला खूप भूक लागलीये.
मी: सगळं आहे. तुला पोहे लागतात ना सकाळी?
भाजीवाला- हो, पण आज नकोत
मी: उपमा?
भाजीवाला- नाक मुरडून ...उंहूं
मी: शिरा?
भाजीवाला- हॅ हॅ , गोड नको
मी: साबुदाणा खिचडी?
भाजीवाला- कालच झाला उपास
मी: वडापाव, ब्रेड पॅटीस? पराठा?
भाजीवाला- नको, ऍसिडिटी होते मला. काहीतरी वेगळं द्या ना मला आज..
मी: सामोसा आणि कचोरी करतेय. सामोसा चाट किंवा कचोरी चाट खाणार का?
भाजीवाला: सामोसा नको. कचोरी पण आहे? कचोरी चाट??येयययय...
मी आनंदात- सुटला वाटतं प्रश्न- देऊ का कचोरी चाट?
भाजीवाला: अहो दही खाल्लं की मला सर्दी होते आणि चिंचगुळाचं पाणी खाल्लं की दात शिवशिवतात.
मी- अरे काय नाजूक तू..... मग खाणारेस काय?
भाजीवाला: द्या पोहेच.
मी: हं, आलिया भोगासी
भाजीवाला: काय हो मॅडम?
मी:खा लेका पोहेच तू रोज. उगीच मेनूकार्ड पाठ करून घेतलंस माझं...
कोणत्याही टिप्पण्या नाहीत:
टिप्पणी पोस्ट करा