आजच्या दिवसाची खासमखास गोष्ट म्हणजे प्रसिद्ध लेखिका आतिवास सविता यांची आमच्या कॅफेला भेट

मजा आली अगदी. ठरलेल्या वेळी सकाळी बरोब्बर साडेनऊ ला आल्या. खरंच सांगते, मलाच कुठेतरी किंचित अवघडल्यासारखं झालं होतं, एका मनस्वी, हुशार लेखिकेला भेटायचं म्हणून. पण त्या आल्या त्याच इतक्या सहजतेने की कुठलाही मी फार ग्रेट असा अभिनिवेशच नाही. आम्ही अगदी कोरोना (अर्थातच) पासून भाजीविक्री पर्यंत काहीsssही बोललो. आणि राजकारण? ते विसरून कसं चालेल बरं?? तोंडी लावायला हवंच की ते..

तर छान गप्पा मारल्या आणि जाताना त्यांनी आम्हाला मस्तपैकी एक अमूल्य भेटही दिली. तिचा फोटो जोडतेच आहे. एकूण काय तर रविवारची सकाळ अतिशय सुंदर, प्रसन्न झाली आज